Fagutvikling

NK ARR skal vera ei drivkraft i vidareutvikling av praksisfeltet arbeidsretta rehabilitering. Gjennom fagutviklingsprosjekt er vår strategi å auke tilgangen på kompetanse og kunnskap knytt til arbeidsretta rehabilitering med utgangspunkt i AiR - Klinikk og dei andre institusjonane i ARR-nettverket. Saman med våre kompetansemøte er føremålet å bidra til auka fagkunnskap og stadig forbetra praksis gjennom dialog og refleksjon.

Forsking

Forskingsavdelinga ved NK ARR har som oppgåve å utvikle det faglege fundamentet for faget arbeidsretta rehabilitering. Vårt mål er å betre forståinga av inntakskriterium, optimalt innhald, effekt og beste samhandlingskjedar for eit ARR-program

Det skal vi få til ved å:

• Utvikle eit forskingsmiljø som tek opp utfordrande problemstillingar rundt  arbeidsretta rehabilitering
• Generere forskings og fagutviklingsaktivitet i nettverket av ARR-institusjonar

Forskingssamarbeid

Nasjonalt kompetansesenter har inngått ei forpliktande forskingsavtale med Uni helse ved Universitetet i Bergen, som er ei uavhengig forskingseining utan klinisk preferanse. Samarbeidet er grunnleggjande for å kvalitetssikre ein langsiktig forskingsinnsats ved NK ARR og ARR-institusjonane. Uni helse blei valt som samarbeidspartnar fordi eininga har forskings- og fagkompetanse innan ARR, eit fagfelt som ligg i skjeringspunktet mellom det medisinskfaglege og arbeidslivsfaglege.

Vårt samarbeid med Uni helse helse sikrar oss universitetstilknyting og er ein føresetnad for vår status som nasjonalt kompetansesenter. Slik kan vi bruke klinikkane i ARR-nettverket som vårt forskingsmateriale, samstundes som vi ivaretek forskingsprinsippa for uavhengig forsking.